Şuşa ilinə həsr olunan olimpiada
Cari ilin aprel ayında AR Təhsil Nazirliyinin dəstəyi ilə “Rossotrudniçestvo”nun Azərbaycandakı nümayəndəliyi tərəfindən Azərbaycan Respublikasında elan edilmiş Şuşa ilinə həsr olunan rus dili və ədəbiyyatı üzrə XIII olimpiadanın VII-IX sinif şagirdləri arasında keçirilməsi planlaşdırılır.
Olimpiada 3 mərhələdən ibarət olacaqdır.
Birinci mərhələ zamanı Molla Pənah Vaqifin və Xurşidbanu Natəvanın həyat və yaradıcılığına aid test sualları (2 variant) iştirakçı məktəblərə təqdim olundu. Sözügedən testlər vasitəsilə 18 aprel 2022-ci il tarixində şagirdlərin olimpiadanın I mərhələsində əyani iştirakı təşkil edildi. Hər məktəb üzrə ən yüksək nəticə göstərən 1 və balı eyni olan şagird(lər) barədə məlumat, habelə müvafiq cavab kartları təşkilat komitəsinə göndərildi.
