Peşəyönümü maarifləndirmə tədbiri
7 aprel 2022-ci il tarixində məktəbin akt zalında şagirdlərin peşəyönümü istiqamətində maarifləndirmə tədbiri keçirildi. Rabitə və İnformasiya Texnologiyaları üzrə Bakı Dövlət Peşə Təhsil Mərkəzinin əməkdaşlarının iştirak etdiyi tədbirdə 9 və 11-ci sinif şagirdləri iştirak etdilər. Səkkiz müxtəlif ixtisas yönümlü peşə təhsili verən Rabitə və İnformasiya Texnologiyaları üzrə Bakı Dövlət Peşə Təhsil Mərkəzində peşə qazanmanın üstünlükləri haqqında şagirdlərə məlumatlar verildi və gələcək peşə seçimində məhz bu mərkəzə üz tutmalarının üstünlükləri qeyd olundu. Mərkəz haqqında ətraflı məlumatlar verildikdən sonra videoçarx nümayiş etdirildi.
