Qazi məzunumuz müəllimləri ilə görüşdü
Müharibənin ilk günlərindən könüllü olaraq döyüşlərdə iştirak edən qəhrəmanlarımızdan biri də Xidirov Omar Buxsay oğludur. 2006-cı ildə məktəbimizin məzunu olan Omar elə məktəb illərindən vətənpərvərliyi və nümunəvi davranışı ilə seçilən şagirdlərdən olmuşdur. Füzuli, Ağdərə, Murovdağ, Cəbrayıl və Şuşa uğrunda gedən döyüşlərdə fəal iştirak edən Omar bitirdiyi təhsil müəssisəsini, müəllimlərini də unutmamış, bayramqabağı onların bayramını təbrik etmək üçün məktəbə baş çəkmişdir.
