Şəhid Muxtar Qasımlının doğum günü qeyd edildi
Bu gün məktəbimizin 2"Ç" sinfinin adını daşıdığı şəhid Muxtar Qasımlının doğum günüdür. Bu münasibətlə şagirdlərimiz bu günü böyük hüznlə yad edərək, şəhidimizin məzarını ziyarət etmiş və əklil qoymuşlar. Sinif rəhbəri Kəmalə İsgəndərovanın təşkilatçılığı ilə baş tutan ziyarət zamanı şəhid Muxtar Qasımlının məzarı üstə şeir nümunələri səsləndirən balaca şagirdlərimiz qəhrəmanlıq simvolu olan şəhidimizə dərin ehtiram və minnətdarlıq hissini ifadə etmişlər. Qeyd edək ki, həmin sinifdə şəhid Muxtar Qasımlının adına fəxri guşə də yaradılmışdır.