Məktəbəqədər hazırlıq qrupunun dərsi izlənildi
Dərslərin keyfiyyətli tədrisi, müəllim-şagird münasibətlərinin düzgün qurulması məktəb rəhbərliyinin ən ümdə qayələrindən biridir. Elə bu məqsədə xidmət etmək naminə məktəbəqədər hazırlıq qruplarının dərsləri vaxtaşırı izlənilir. Rəhbərlik tərəfindən izlənilən dərslərdə şagirdlərin dünyagörüşü, ətraf aləmlə tanışlığı, ilkin oxuma-yazma bacarıqları diqqət mərkəzində saxlanılır. Həmçinin, onların riyazi, məntiqi qabiliyyətləri yoxlanılır. Bu gün 0 "D" rus bölməsi sinfində rəhbərliyin iştirakı ilə keçirilən dərs qənaətbəxş hesab edilmişdir. Belə ki, Arzu Rəsulovanın təşkilatçılığı ilə "Əvvəl və sonra" mövzusunda qurulan dərs şagirdlərin aktiv fəaliyyəti, düzgün analiz qabiliyyəti ilə nəticələnmişdir.
