“Evcik metodikası” testi
Birinci sinif şagirdlərinin psixoloji hazırlıq səviyyəsinin öyrənilməsi daim diqqət mərkəzində saxlanılır. Bu məqsədlə psixoloq Raida Xidirova vaxtaşırı birincilərin dərslərini izləyir, müxtəlif psixoloji test tapşırıqlarını tətbiq edərək müəyyən qənaətə gəlir. Bu gün 1 “Ç” Sağlam Təhsil sinfində olan psixoloq “Evcik metodikası” testindən istifadə edərək ixtiyari diqqətin inkişaf səviyyəsini təyin etmək üçün nümunəyə istiqamətlənərək dəqiq köçürmək bacarığını aşkar edib. Zəif nəticə göstərən şagirdlərlə fərdi iş isə nəzərdə tutulub.
