Aşıq Ələsgərin 200 illik yubileyinə həsr edilən dəyirmi masa
Dünyanın ən qədim xalqlarından olan Azərbaycan xalqı öz tarixi, mədəniyyət abidələri, milli - mənəvi dəyərləri ilə seçilən xalqdır. Bu zəngin mədəniyyət tarixini qoruyub saxlamaq isə hər bir vətəndaşın üzərinə düşən şərəfli məsuliyyətdir. Bu gün məktəbdə təşkil olunmuş dəyirmi masa elə həmin məqsədə xidmət etdi. Belə ki, tarix dərsini tədris edən Nərmin Səfərova rus bölməsi 8 "D" sinif şagirdlərinin iştirakı ilə Aşıq Ələsgərin 200 illik yubileyinə həsr etdiyi dəyirmi masada Azərbaycan mədəniyyətinin dünəni, bu günü və gələcəyindən bəhs edildi. Qədim yurdumuz Qarabağdakı mədəniyyət abidələri, orada aparılan quruculuq işləri haqqında şagirdlərin maraqlı təqdimatları dinlənildi. Sonda mədəniyyətimizi, aşıq şeirimizi daim zirvədə saxlayan Aşıq Ələsgərinın həyat və yaradıcılığına həsr edilmış vidioçarx izlənildi.
