"Azərbaycan mədəniyyəti 17-ci əsrdə" adlı dəyirmi masa
Dünyanın ən qədim xalqlarından olan Azərbaycan xalqı öz tarixi, mədəniyyət abidələri, milli- mənəvi dəyərləri ilə seçilən xalqdır. Bu zəngin mədəniyyət tarixini qoruyub saxlamaq isə hər bir vətəndaşın üzərinə düşən şərəfli məsuliyyətdir. Bu gün məktəbdə təşkil olunmuş "Azərbaycan mədəniyyəti 17-ci əsrdə" adlı dəyirmi masa elə həmin məqsədə xidmət etdi. Belə ki, tarix dərsini tədris edən Nərmin Səfərova 8 "D" rus bölməsi sinif şagirdlərinin iştirakı iə təşkil etdiyi dəyirmi masada Azərbaycan mədəniyyətinin dünəni, bu günü və gələcəyindən bəhs edildi. Qədim yurdumuz Qarabağdakı mədəniyyət abidələri, orada aparılan quruculuq işləri haqqında şagirdlərin maraqlı təqdimatları dinlənildi.
