"Yay məktəbi"ndə ekskursiyalar
Bakı Şəhəri üzrə Təhsil İdarəsinin tabeliyindəki ümumi təhsil müəssisələrində "Yay məktəbi" çərçivəsində ekskursiyalar təşkil edilir. Məktəblilər üçün ekskursiyaların təşkil olunmasında əsas məqsəd şagirdlərin dünyagörüşünü, bilik və bacarıqlarını daha da inkişaf etdirmək, uşaqlara milli-mənəvi dəyərlərimizə hörmət hissi aşılamaq, tarixi abidələrimiz haqqında ətraflı məlumatları çatdırmaqdan ibarətdir. Məhz həmin məqsəd uğrunda çalışan ibtidai sinif müəllimlərimiz də "Yay məktəbi"nin şagidlərin həyatında əvəzolunmaz xatirə kimi qalmağında birbaşa rol oynayırlar. Qeyd edək ki, bugünkü ekskursiya zamanı şagirdlər böyük şücaət göstərərək şəhid olmuş qəhrəmanlarımızı da ziyarət etmiş, onların məzarları önünə gül dəstələri qoymuşlar.
