Vətən müharibəsinin iştirakçısı "Respublika" qəzetində
2012-ci il məzunu Əfəndiyev Ayaz Rakib oğlu haqqında məqalə yazılıb. Məktəbimizin fəxri məzunlarından olan Vətən müharibəsinin iştirakçısı müharibənin ilk günündən başlayaraq konüllü yollandığı cəbhə bölgəsində öz fəallığı ilə seçilən vətənpərvər əsgərlərimizdən biridir. Elə məhz bu məqalədə də Ayazın Vətən borcu, Vətən məhəbbəti, qəhrəmanlığı ön plandadır. Onun şərəf və ləyaqətlə keçdiyi döyüş yolundan bəhs edən məqaləni oxuyarkən Azərbaycan əsgərinin dayandığı zirvə könlümüzü riqqətə gətirir. Azərbaycan Texniki Universitetini bitirən Ayaz Vətən müharibəsinin iştirakçısı olmaqla qürür duyur. Belə məzunlarımızın varlığı isə məktəb heyyəti olaraq bizim qürur mənbəyimizdir.
