"Onlayn dərs” müsabiqəsi
Bakı Şəhəri üzrə Təhsil İdarəsi (BŞTİ) tərəfindən keçirilən “Onlayn dərs” müsabiqəsinin qalibləri bəlli olub. “Virtual məktəbdə bir gün” layihəsinin davamı kimi təşkil edilən müsabiqədə BŞTİ-nin tabeliyindəki ümumi təhsil məktəblərinin müəllimləri iştirak edib. Müsabiqəyə ümumilikdə 193 onlayn dərs nümunəsi təqdim olunub, onlardan 12-si qalib olub, 11-si isə fərqlənən dərs kimi qiymətləndirilib. Məktəbin informatika müəllimi Gülnarə Cabbarovanın 3 “E” sinfində təşkil etdiyi dərs nümunəsi də müsabiqədə fərqlənən dərslər sırasındadır.
