"Xarı bülbül" guşəsi yaradıldı
Azərbaycanın Dağlıq Qarabağ ərazisinin qədim Şuşa şəhərində bitən Xarı bülbül bitkisi Şuşanın milli simvolu hesab olunur. Öz tarixi torpaqlarımıza qovuşmağın, Şuşanın sülh və sevgi gülü olan Xarı bülbülə yenidən sahiblənməyin sevincini yaşayan şagirdlər məktəbin foyesində "Xarı bülbül" guşəsi yaratdılar. Onların həvəslə, məhəbbətlə və ən əsası boyük fəxarət hissi ilə bəslədikləri Xarı bülbüllər öz gözəllikləri ilə görənləri heyran etdi. Hüzün, sevinc, fəxr, qürur kimi qarışıq duyğular oyadan bu möhtəşəmliyə sahib olmaq böyük bir səadətdir.
