Məktəblərdə "Anti-Kiberbullinq Klubu" üzvləri ilə görüş keçirilib
"Biz birlikdə kiberbullinqə qarşı" qrant layihəsi çərçivəsində məktəblərdə formalaşdırılmış "Anti-Kiberbullinq Klubu" üzvləri ilə görüş keçirilib. Tədbirin əsas məqsədi şagirdlərə layihənin məqsədləri, görüləcək işlər və təlim proqramları haqqında ətraflı məlumat vermək olub.
Görüş zamanı klub üzvləri layihənin əsas fəaliyyət istiqamətləri, kiberbullinqin qarşısını almaq üçün nəzərdə tutulmuş tədbirlər və ictimai maarifləndirmə işləri ilə tanış ediliblər. Eyni zamanda, şagirdlər onları maraqlandıran sualları layihə rəhbəri Günay Adnayeva ilə müzakirə edərək, mövzu ilə bağlı geniş məlumat əldə ediblər. Görüş iştirakçılar arasında böyük maraq doğurmuş, gələcək fəaliyyətlər üçün motivasiya və yeni ideyalar yaratmışdır. Layihə çərçivəsində keçiriləcək növbəti tədbirlər və təlimlər haqqında məlumat yaxın zamanda paylaşılacaq.
