Şəhid məzunumuza həsr olunmuş abidə-bulaq kompleksi
Azərbaycan Ali Baş Komandanımızın uğurlu siyasəti, qətiyyəti, möhkəm iradəsi və müzəffər ordumuzun qəhrəmanlığı nəticəsində Vətən müharibəsindən üzüağ, başıuca çıxdı. Bu yolda canlarını qurban verən Vətən övladları şəhidlik zirvəsinə ucaldı.
Canlarını Azərbaycanın ərazi bütövlüyü yolunda qurban vermiş Vətən müharibəsi şəhidlərindən məktəbimizin məzunu Fərhad Babayevin şəhadətə ucalmasından bir il ötür. O, müharibədə göstərdiyi şücaətinə görə "Vətən uğrunda" medalı ilə təltif olunmuşdur.
Suraxanı RİH-nin təşkilatçılığı ilə Şəhidin yaşadığı binanın qarşısında abidə-bulaq kompleksi inşa edilərək, əhalinin istifadəsinə verildi. Abidə-bulaq kompleksinin açılışında rayon rəhbərliyi, hərbçilər, ictimaiyyət nümayəndələri,məktəb rəhbərliyi və kollektivi, şəhidin yaxınları iştirak ediblər. Çıxışlarda şəhidin gənclərə nümunə olan qısa, lakin şərəfli ömür yolundan danışılıb. 44 günlük Vətən müharibəsində Azərbaycan Silahlı Qüvvələrinin qazandığı tarixi qələbədən bəhs olunaraq, Prezident, Ali Baş Komandan İlham Əliyevin rəhbərliyi ilə aparılan ordu quruculuğu sahəsində görülən işlər diqqətə çatdırılıb. Şəhidin atası Məhərrəm Babayev oğlunun xatirəsinin əbədiləşdirilməsinə görə minnətdarlığını bildirib.
Məktəblilərin söylədikləri şeirlər hamının marağına səbəb oldu.
