Şüşə qabları istehsal olunan zavoda ekskursiya
Yuxarı sinif şagirdləri kimya müəllimləri ilə birgə “ASPİ GLASS” MMC müəssisəsinin təşkilatçılığı ilə şüşə qabların istehsalı məqsədi ilə 2008-ci ildə təsis edilmiş zavodda oldular. Zavodun baş mühəndisi şəffaf şüşədən yüksək keyfiyyətli məhsul istehsal edən müəssisə ilə şagirdləri yaxından tanış etdi. Müəssisədə şüşə banka və butulkaların 100-dən çox modeldə istehsalı təşkil olunmuşdur. Müxtəlif həcmli və orijinal konfiqurasiyalı şüşə qabların istehsalı zamanı seksion maşınlarla təchiz edilmiş sexlərlə, şüşə istehsalında istifadə edilən xammalarla tanışlıq şagirdlərin marağına səbəb oldu.
