“Açıq qapı” günü
Fevralın 16-da məktəb üzrə I yarımilin yekunları və qarşıda duran vəzifələrə həsr olunmuş valideyn iclası keçirildi. Məktəb rəhbərliyi ilə yanaşı ayrı – ayrı fənn müəllimlərinin də iştirak etdiyi valideyn iclaslarında valideyn məktəb əməkdaşlığının gücləndirilməsi, övladlarının təlim nailiyyətləri, eləcə də ümumi təhsildə qiymətləndirmə ilə bağlı yeniliklər haqqında onlara məlumatlar verildi, valideynlər şagirdlərin I yarımil nəticələri ilə tanış oldular.
I yarımildə zəif nəticə göstərən şagirdlərin təlim keyfiyyətinin yüksəldilməsi istiqamətində maarifləndirici söhbət aparıldı. Şagirdlərin dərsə davamiyyəti, məktəbli kitabçalarının icrası vəziyyəti, məktəbdaxili nizam – intizam qaydalarına əməl edilməsi müzakirə edildi.