Şagirdlər Neon Sənət muzeyində oldular
Şagirdlərin asudə vaxtının səmərəli təşkili məqsədilə bayram günlərində 4ç və 4e sinifləri sinif müəllimi Z.Məmmədova və Y.Əsgərovanın təşkilatçılığı ilə Neon Sənət Muzeyində oldular. Muzey bələdçisi şagirdləri müzeylə tanış etdi, döşəmədən tavana kimi bütün səthlərdə ultrabənövşəyi şüalar altında parıldayan neon rəsmlər haqqında məlumat verdi. Söylədi ki,muzeydə normal və flüoresan rənglərin kombinasiyalarından istifadə edilmişdir ki, bu rənglər işıq olmadıqda da “işləyir” və qaranlıqda heyrətamiz parıltı effekti yaradır.
Şagirdlər master klassda iştirak etdilər,neon boyalardan istifadə edərək şəkilləri rənglədilər.Ultrabənövşəyi işığın altında neonun əks olunmasının təsirindən parıltı illüziya və 3D effekti sayəsində canlanan şəkillər şagirdlərin çox marağına səbəb oldu.