Şəhidlərin əziz xatirəsi unudulmazdır!
Azərbaycanın azadlığı, suverenliyi və ərazi bütövlüyü uğrunda canlarını qurban vermiş, qəhrəmancasına həlak olmuş mərd mübarizlərin əziz xatirəsinə ehtiram əlaməti olaraq 2-ci sinif şagirdləri Şəhidlər xiyabanını ziyarət etdilər. 20 Yanvar şəhidlərimizin və Qarabağ uğrunda canlarını fəda etmiş qəhrəman oğul və qızlarımızın məzarlarını ziyarət edən şagirdlərimiz şəhid məzarlarına tər qərənfillər düzdülər, paytaxtımızın ən yüksək yerində ucaldılmış “Əbədi məşəl” abidəsi önündə faciəyə həsr olunmuş şeirlər söylədilər.
