Kimya biologiya aylığı davam edir
Bu gün 6”E” sinfində biologiya fənnindən növbəti nümunəvi dərs keçirildi. Fənn müəllimi Musayeva Arzunun “Bitkilərdə tənəffüs” mövzusunda keçirdiyi açıq dərsdə şagirdlər bitkilərdə baş verən fotosintez və tənəffüs proseslərinin oxşar və fərqli cəhətləri ilə bağlı maraqlı araşdırmalarını öz təqdimatlarında nümayiş etdirdilər. Şagirdlər həmçinin bu proseslərin daha çox baş verdiyi orqanlar haqqında məlumatlar verdilər, özləri preparat hazırlayaraq, yarpağın daxili quruluşuna mikroskopda baxdılar. Sonda şagirdlər fotosintezin canlıların həyatında rolunu qeyd etdilər.
