Bayraq Günü və Konstitusiya günü ilə əlaqədar sinif saatı
Noyabrın 8-də Bayraq Günü və Konstitusiya günü ilə əlaqədar 6a sinfində maraqlı sinif saatı təşkil olunub. Sinif rəhbəri – Azərbaycan dili və ədəbiyyat müəllimi Kəmalə Əliyeva (əməkdar müəllim) və tarix müəllimi Şəlalə Nəcəfovanın birlikdə apardıqları sinif saatında müəllimlər bayrağımızın tarixi, Konstitusiyamız , bayrağımıza, dövlətçiliyimizə məhəbbətin ədəbiyyatımızda tərənnümü haqqında ətraflı məlumat veriblər. Şagirdlər bayraq haqqında şeirlər ifa ediblər, dövlətimizə məhəbbətlə hazırladıqları bülletenləri və divar qəzetini nümayiş etdiriblər. Sinif saatı bayrağımızın işğaldan azad olunmuş torpaqlarımızda dalğalanması ilə bağlı müqəddəs arzu və bu xoş günə inamla yekunlaşdırılıb.
