Xəzər rayonu Kiçik Akademiya mərkəzinin iclası keçirildi.
19 oktyabr tarixində Xəzər rayonu Kiçik Akademiya mərkəzinin iclası keçirildi. İclası Xəzər rayonu Kiçik Akademiyalarına məsul olan 234 nömrəli tam orta məktəbin direktoru Zülfiyyə Məmmədhüseynova açdı. İclas iştirakçıları Azərbaycanın müstəqilliyi və suverenliyi uğrunda qurban gedən şəhidlərimizi bir dəqiqəlik sükutla yad etdilər. Məktəb KA rəhbərləri 2023-cü ilin 22 noyabrında keçiriləcək rayon konfransı barədə məlumatlandırıldı. Qeyd olundu ki, bu konfrans 2023-cü ilin dekabr ayında "Heydər Əliyev İli"nə həsr olunmuş “Kiçik Akademiya” üzvlərinin I Ümumşəhər Konfransına hazırlıq xarakteri daşımalıdır. KA rəhbərlərinə konfransa təqdim olunacaq tədqiqat işlərinə qoyulan meyarlar və onların təqdimetmə forması haqqında ətraflı məlumat verildi.
