"Kiçik Akademiya təqdimatları" adlı konfrans keçirilib. Bu
23 may 2023 tarixində 234 nömrəli məktəbdə Xəzər rayonu "Kiçik Akademiya" təqdimatları" konfransı keçirilib. Konfransda rayon məktəblərinin direktorları, KA rəhbərləri iştirak ediblər.
Konfrans Azərbaycan Respublikasının dövlət himni ilə açıldıqdan sonra məktəbin direktoru Zülfiyyə Məmmədhüseynova giriş sözü ilə çıxış edərək "kiçik akademiklərə" böyük uğurlar arzulayıb. Daha sonra Xəzər rayonu KA mərkəzinin rəhbəri Kəmalə Əliyeva çıxış edərək "Heydər Əliyev İli"nə həsr olunmuş bu konfransı ulu öndərin əziz xatirəsinə dərin ehtiramın təcəssümü kimi dəyərləndirib. Rayonun 27 məktəbini təmsil edən "kiçik akademiklər" humanitar, texniki, təbiət və incəsənət bölmələri üzrə təqdimatlarla çıxış ediblər.
