İdmançı məzunla görüş keçirilib .
"İdman həftəsi" layihəsi çərçivəsində şagirdlərin idmana olan marağının artırılması, sağlam həyat tərzinin təbliği məqsədilə məktəbimizin məzunu Əliyev Baba Zaur oğlu ilə görüş keçirilib.
Qeyd edək ki, 2002-ci il təvəllüdlü Baba Əliyev 2015-ci ildən məktəbimizin fiziki tərbiyə müəllimi Emil Daşdəmirovun rəhbərliyi altında ciu-citsu idman növu ilə məşğul olur. O, 3 dəfə respublika üzrə, 5 dəfə Bakı şəhəri üzrə keçirilən çempionatda birincilik qazanaraq qızıl medala layiq görülüb. 1 dəfə regional turnirin qalibi olub. " JSJ PRO CHALLENGE İNTERNATİONAL OPEN CHAMPİONSHİP" adlı beynəlxalq yarışda iştirak edərək qızıl medal qazanıb. Hal-hazırda o, Azərbaycan Bədən Tərbiyəsi və İdman Akademiyasının 3--cü kurs tələbəsidir.
İdmançı məzunumuz şagirdlərə özü haqqında məlumat verib, onları maraqlandıran sualları cavablandırıb.
Məktəbimizi layiqincə təmsil edən məzunumuzla fəxr edir, ona uğurlar arzulayırıq.
