Azərbaycan Yazıçılar Birliyinin üzvü, yazıçı-publisist, şair Gülarə Munislə görüş keçirilib.
Şagirdlərin mütaliə vərdişlərini inkişaf etdirmək, onlarda ədəbiyyata, poeziyaya marağı gücləndirmək məqsədilə 06.01.2023 tarixində məktəbimizdə Azərbaycan Yazıçılar Birliyinin üzvü, yazıçı-publisist, şair Gülarə Munislə görüş keçirilib. Azərbaycan dili və ədəbiyyat müəllimi - əməkdar müəllim Kəmalə Əliyevanın təşkilatçılığı ilə onun rəhbərlik etdiyi "Bədii qiraət" dərnəyinin üzvləri ilə keçirilən görüşdə şagirdlər şairin əsərlərindən nümunələr ifa ediblər. Sonra Gülarə xanım balaca qiraətçilərin suallarını cavablandırıb, onlara dəyərli məsləhətlər verib. Səmimi poetik mühitdə keçən görüşdə uşaqlar şairə gül dəstəsi, şair isə şagirdlərə onların adlarına yazdığı misralardan hörülmüş şeir çələngi hədiyyə edib.
Tədbirin sonunda məktəbin direktor əvəzi İradə Atakişiyeva çıxış edərək dəvəti qəbul edib gəldiyi üçün Gülarə xanım Munisə minnətdarlığını bildirib.
