"5-dən 55-ə vətənpərvər!" adlı tədbir keçirilib.
Məktəbin Azərbaycan dili və ədəbiyyat müəllimi - əməkdar müəllim Kəmalə Əliyevanın təşkilatçılığı ilə 31 Dekabr - Dünya Azərbaycanlılarının Həmrəylik Günü münasibətilə ədəbi-bədii musiqili tədbir keçirilib. Tədbirdə məktəbin "Bədii qiraət" (dərnək rəhbəri Kəmalə Əliyeva) və "Xor" (dərnək rəhbəri Elnarə Əsədova) dərnəklərinin üzvləri, eləcə də musiqi və rəqs sahəsində istedadı olan şagirdlər həmrəylik nümayiş etdirərək öz ifaları ilə tamaşaçılara xoş əhval-ruhiyyə bəxş ediblər. Tədbirdə məktəbin müəllim, şagird və məzunlarının iştirakı ilə hazırlanmış "5-dən 55-ə vətənpərvər!" adlı videoçarx nümayiş etdirilib. Tədbir məktəb xorunun və bütün iştirakçıların ifasında "Yaşa, mənim xalqım" mahnısı ilə sona yetib.
