Dahi Azərbaycan şairi Hüseyn Cavidin 140 illik yubileyi ilə əlaqədar tamaşa
Məktəbimizin Azərbaycan dili və ədəbiyyat müəllimi - əməkdar müəllim Kəmalə Əliyeva dahi Azərbaycan şairi Hüseyn Cavidin 140 illik yubileyi ilə əlaqədar ədibin əsərlərindən ibarət "Səma şairi" adlı tamaşa hazırlayıb. VI-IX sinif şagirdlərindən ibarət aktyorlar böyük ədibin "Mənim tanrım gözəllikdir, sevgidir", "Ağlaram" və "Qız məktəbində" şeirləri əsasında səhnəciklər, "Ana", "Şeyx Sənan", "İblis" və "Xəyyam" faciələrindən səhnələr nümayiş etdiriblər. Balaca aktyorların çıxışı alqışlarla və onlara bəxş edilən qızılgüllərlə dəyərləndirilib. Sonda məktəbin direktor əvəzi İradə Atakişiyeva və Azərbaycan dili və ədəbiyyat müəllimi Əzizə Məmmədova çıxış edərək bu gözəl tamaşa üçün Kəmalə müəllimə və onun yetirmələrinə təşəkkür bildiriblər. Sonda xatirə şəkli çəkdirilib.
