"Əziz Şuşa, sən azadsan!" mövzusunda inşa müsabiqəsinin məktəb mərhələsi keçirilib.
Azərbaycan Respublikası Elm və Təhsil Nazirliyinin və "Heydər Əliyev fondu"nun birgə təşkilatçılığı ilə elan olunmuş "Əziz Şuşa, sən azadsan!" mövzusunda inşa müsabiqəsinin məktəb mərhələsi keçirilib. Müzəffər Ali Baş Komandanımız İlham Əliyevin rəhbərliyi altında şanlı Azərbaycan ordusunun yenilməzlik simvoluna çevrilmiş Şuşa qalibiyyətinin əhəmiyyətinin təbliğini və şagirdlərin vətənpərvərlik ruhunda tərbiyəsini gücləndirmək məqsədilə keçirilən müsabiqədə şəhidlərimizin ruhu bir dəqiqəlik sükutla yad edilib. Məktəbin direktoru Könül Məmmədli şagirdlərə daim vətənpərvər olmağı tövsiyə edərək müsabiqədə uğurlar arzulayıb.
