Məktəbin X-XI sinif şagirdləri ADA universitetinə səfər ediblər
Aprelin 27-də məktəbimizin X-XI sinif şagirdləri məktəbin ingilis dili müəllimi Dürdanə Abdullayevanın təşəbbüsü ilə ADA universitetinə səfər ediblər. Məktəbin təlim-tərbiyə işləri üzrə direktor müavini İradə Atakişiyeva və sinif rəhbəri Dürdanə Abdullayeva ilə universitetə səfər edən şagirdlərimiz universitetin kampusu,kitabxanası,akt zalı və tədris otaqları ilə tanış olublar. Onlar "Qarabağ mədəniyyəti" adlı sənədli filmin nümayişində, İctimai və Beynəlxalq Münasibətlər fakültəsinin müəllimi- dosent Vener Qarayevin "Dövlət İdarəçiliyində yeni trendlər" adlı seminarında da iştirak ediblər. Şagirdlər ekskursiya boyunca ADA-da təhsil alan tələbələrlə söhbət edərək universitet həyatı ilə bağlı suallarına cavab axtarıblar. Bir günlük özlərini tələbə kimi hiss edən şagirdlərimizdə bu görüş çox müsbət təəssüratlar oyadıb.
