Şəhid Emin Əliyevin doğum günü ilə əlaqədar anım tədbiri keçirilib .
Bu gün məktəbimizin şəhid məzunu Emin Əliyevin anadan olmasının 48-ci ildönümü ilə əlaqədar Azərbaycan dili və ədəbiyyat müəllimi - əməkdar müəllim Kəmalə Əliyeva anım tədbiri keçirib. Tədbir dövlət himnimizin sədaları altında açıldıqdan sonra Vətənimizin müstəqilliyi, torpaqlarımızın bölünməzliyi, sərhədlərimizin toxunulmazlığı uğrunda şəhid olmuş Vətən övladlarının xatirəsi bir dəqiqəlik sükutla yad edilib. Şagirdlər şəhidin qısa, lakin mənalı ömür yolu haqqında məlumat verib, Kəmalə müəllimin Eminə həsr etdiyi şeirləri səsləndiriblər. Emin Əliyevlə bağlı hazırlanmış videoçarx nümayiş etdirilib. Tədbirdə şəhidin anası İbadət xanım Əliyeva da iştirak edib. O çıxış edərək oğlunun xatirəsini daim əziz tutan məktəb kollektivinə öz minnətdarlığını bildirib. Sonra məktəbin direktoru Könül Məmmədli çıxış edərək şəhidlik məqamının ən uca zirvə olduğunu vurğulayıb. Şəhid anası ilə xatirə şəkli çəkildikdən sonra tədbir iştirakçıları şəhidin büstü önünə tər qərənfillər qoyublar.
