Buzovna qəsəbəsində yerləşən Şəhidlər xiyabanına ziyarət edilib
27 sentyabr - Anım Günü ilə əlaqədar məktəbimizin müəllim, şagird və valideynlərdən ibarət böyük bir heyəti Buzovna qəsəbəsində yerləşən Şəhidlər xiyabanını ziyarət edib. Hərbi rəhbər Rahim Ağayevin və qrup rəhbəri Rəşad Rəhimovun rəhbərliyi altında məktəbin peşə təmayüllü 10p sinfinin şagirdləri şəhid məzarlarının önündə hərbi qaydada təzim ediblər. Məktəbin Azərbaycan dili və ədəbiyyat müəllimi - əməkdar müəllim Kəmalə Əliyeva çıxış edərək 44 günlük Vətən müharibəsinin bütün qəhrəmanları, eləcə də I və II Qarabağ müharibəsinin burada uyuyan şəhidləri qarşısında əbədi borclu olduğumuzu vurğulayıb, onun rəhbərlik etdiyi 8a sinfinin şagirdləri şəhidlərə həsr olunmuş şeirlər söyləyiblər . Ziyarətçilər şəhidlərimizin məzarları üstünə tər qərənfillər düzüblər.
