Azərbaycan Silahlı Qüvvələri Günü münasibətilə tədbir
26 İyun - Azərbaycan Silahlı Qüvvələri Günü münasibəti ilə əlaqədar məktəbdə tədbir keçirilib. Dövlət himninin möhtəşəm sədaları altında tədbir açıq elan edilib. Balaca əsgərlərin - ibtidai sinif şagirdlərinin paradı keçirilib. Məktəbin direktoru Könül Məmmədli bu bayram münasibəti ilə kollektivin timsalında qalib ordusu olan Azərbaycan xalqını ürəkdən təbrik edib. Tədbirə qonaq qismində dəvət olunmuş məktəbimizin məzunları - II Qarabag savaşının qalib əsgərləri: Quliyev Rahim Rafiq oğlu (Azərbaycan Respublikasının Prezidentinin müvafiq sərəncamlarına əsasən, "Xocavəndin azad olunmasına görə" və "Füzulinin azad olunmasına görə" medallarına layiq görülüb) və Məmmədov Cəbrayıl Fərzəli oğlu çıxış edərək belə bir şərəfli gündə doğma məktəblərində, onlara vətənpərvərlik ruhunu aşılamış müəllimlərinin arasında olmaqdan şərəf duyduqlarını bildiriblər. Tədbir Azərbaycan xalqının, müzəffər Ali Baş Komandanımız İlham Əliyevin, şanlı Azərbaycan ordusunun şərəfinə səsləndirilən şüarlarla tamamlanıb.
