234 №-li tam orta məktəb

İyunun 23-də yay məktəbi çərçivəsində peşə təmayüllü 10p sinfinin “Aşpaz köməkçisi”​ və​ “Mebel təmiri ustası”​ qruplarının iştirakı ilə sərgi keçirilib. Sərgidə şagirdlər​ əl işləri ilə il ərzində öyrəndikləri bacarıqlarını nümayiş etdirmişlər. Layihənin ​ tanıdılması məqsədi ilə 9-cu sinif şagirdləri və onların valideynləri də məktəbə dəvət​ olunub. ​ Sərgidə “Aşpaz köməkçisi” qrupunun​ şagirdlərinin hazırladığı müxtəlif növ yemək çeşidləri və​ “Mebel təmiri ustası”​ qrupunun hazırladığı dekorativ quş yuvaları və ​taxta üzərində müxtəlif əl işləri tədbir iştirakçılarının böyük marağına səbəb olub. Tədbir boyu məktəbin direktoru Könül Məmmədli və​ peşə təmayüllü siniflərin qrup rəhbəri Rəşad Rəhimov tərəfindən layihə barəsində ətraflı məlumat verilib, onlar peşə təmayüllü siniflərdə layihə dərsləri üçün yaradılmış şəraitlə tanış olublar.  Sonda valideynlərin layihə ilə bağlı sualları cavablandırılıb,  onlara məlumat xarakterli bukletlər paylanılıb.