28 May - Respublika Günü münasibətilə onlayn təqdimat mərasimi keçirilib
Məktəbimizin "Kiçik Akademiya"sının incəsənət bölməsinin rəhbəri Ülkər Əsgərxanlının təşkilatçılığı ilə 28 May-Respublika Günü münasibətilə V-IX sinif şagirdlərinin rəsm əsərləri və əl işlərindən ibarət "Bir kərə yüksələn bayraq" adlı onlayn təqdimat mərasimi keçirilib. KA prezidenti Kəmalə Əliyeva tədbiri açaraq Azərbaycan Xalq Cümhuriyyətinin yaranmasını tariximizin ən şərəfli səhifələrindən biri kimi dəyərləndirib. Humanitar bölmənin rəhbəri Zenfira Babayeva bu tarixi gün haqqında qısaca məlumat verib, sonra şagirdlərin bir-birindən gözəl əl işləri və rəsm əsərləri nümayiş etdirilib. Şagirdlər çıxış edərək bu işləri necə böyük məhəbbətlə və həvəslə gördüklərindən danışıblar. Ülkər Əsgərxanlı şagirdlərin işlərindən ibarət məktəbin foyesində hazırladığı guşə haqqında məlumat verib. Məktəbin təsviri incəsənət müəllimi Gülnar Binaktari, KA vitse-prezidenti Cəlalə Məhərrəmova da tədbirdə iştirak ediblər. Müəllimlər belə gözəl işlərə və bu işləri yaratmağa sövq edən böyük vətənpərvərlik duyğularına görə KA-nın istedadlı, yaradıcı üzvlərinə təşəkkür ediblər.
