231 №-li tam orta məktəb

Şagirdimiz"Ən yaxşı təqdimat"müsabiqəsinin rayon turunun qalibi olduMüstəqil Azərbaycanın memarı,qüdrətli dövlət başçısı,müdrik siyasətçi ulu öndər Heydər Əliyevin anadan olmasının 94-cü ildönümü ilə əlaqədar olaraq bu dahi şəxsiyyətin zəngin siyasi irsinin,şərəfli ömür yolunun gənc nəsil tərəfindən daha dərindən öyrənilməsi məqsədilə ümumtəhsil məktəbləri arasında “Ən yaxşı təqdimat”müsabiqəsi keçirilir.Müsabiqədə IX-XI sinif şagirdləri iştirak edir.Müsabiqənin birinci mərhələsi məktəbdaxili keçirilmişdir.II mərhələ-rayon turu isə 15 mart 2017-ci il tarixində Bakı şəhəri,186№li tam orta məktəbdə keçirildi.Müsabiqədə Pirallahı rayonu 168,186,231,235,243№li tam orta məktəblərin hər birindən bir şagird iştirak edirdi.Sevinclə qeyd etmək istərdim ki,münsiflər heyətinin ümumi rəyinə əsasən məktəbimizin XI sinif şagirdi Cabbarova Həbibə Mirtağı qızı birinci yerə layiq görülərək”Ən yaxşı təqdimat”müsabiqəsinin şəhər turunda iştirak etmək hüququ qazandı.Biz də bu qələbə münasibətilə Həbibə balamızı,onun valideynlərini,231№li məktəbin müəllim kollektivini,xüsusilə də bu qələbəyə gedən yolda Həbibəyə yardımçı olan Azərbaycan dili və ədəbiyyat müəllimi Ağayeva İlhamə müəllimi,informatika müəllimi İskəndərova Samirə müəllimi,tarix müəllimi Alyarova Vüsalə müəllimi ürəkdən təbrik edirik!

"Azərbaycan tarixi dərsləri vətəndaşlıq dərsləridir."22.02.2016-cı il tarixdə 243№li orta məktəbin yaradıcılıq otağında “Azərbaycan tarixi dərsləri vətəndaşlıq dərsləridir”adlı seminar keçirildi.Seminarı Bakı Şəhəri baş Təhsil İdarəsinin nümayəndəsi Ziyadxan müəllim açıq elan etdi və mövzunu açıqladı.Seminarda Pirallahı rayonunun ümumtəhsil məktəblərinin tarix və ədəbiyyat müəllimləri çıxış edərək,Azərbaycan tarixi dərslərinin yeniyetmələrin vətənpərvər kimi böyüməsində,əsl vətəndaş kimi yetişməsində mühüm əhəmiyyət daşıdığını qeyd etdilər.Seminarda çıxış edən müəllimlər arasında bizim məktəbin tarix müəllimi Alyarova Vüsalə müəllim də var idi.Vüsalə müəllim öz çıxışı zamanı tarix dərsinin tədrisində pedaqogika və psixologiyanın vəhdətindən, dərsin təşkili zamanı yurdumuzun tarixi ilə müasir dövr arasında əlaqə yaradılmasından danışdı.Tədbirin sonunda şagirdlərimizin ifasında B.Vahabzadənin “Gülüstan”poemasından bir səhnə təqdim olundu. Tarix müəllimi Alyarova Vüsalə müəllimin yüksək pedaqoji ustalıqla edilən çıxışı,şagirdlərimizin məharətli ifaları tədbir iştirakçıları tərəfindən rəğbətlə qarşılandı.

Daha bir qələbəmiz!Şagirdlərin intellektual səviyyəsinin artmasında,dünyagörüşünün formalaşmasında bilik yarışlarının müsabiqələrin mühüm əhəmiyyəti vardır.Məktəbimizin şagirdləri tez-tez bu yarışlarda iştirak etmiş və uğur qazanmışlar.Növbəti yarış isə 17.05.2016-cı il tarixdə Pirallahı rayonundakı 5 məktəb arasında keçirilən “Parlaq Zəka”intellektual oyunu oldu.Bu intellektual oyununda məktəblilər tarix və ədəbiyyat fənnindən biliklərini sınayırdılar.Sevinclə qeyd etmək lazımdır ki,”Parlaq zəka “intellektual oyununda məktəbimizin şagirdləri -Abbaszadə Orxan(komandanın kapitanı),Abdullayeva Samirə,İbrahimli Altun,Əlibəyli Ayxan və Əliyeva Günel fəallıq göstərərək,II yerə layiq görülmüş,X sinif şagirdi Abbaszadə Orxan isə ümumi sual-cavabda fəal iştirak edərək,yarışın xüsusi hədiyyəsini qazanmışdır.Qalib gələn komandanın şagirdlərinə sertfikatlar təqdim olundu.Məktəbimizin direktoru Mansırova Mehparə müəllim də “Parlaq Zəka”intellektual oyununda qələbə qazanan şagirdlərimizi və onların bu qələbəsində böyük köməyi olan tarix müəllimi Alyarova Vüsalə və ədəbiyyat müəllimi Əsədov Vəsxanım müəllimi ürəkdən təbrik etdi, onlara yeni-yeni uğurlar arzuladı.Sizinlə fəxr edirik,əziz şagirdlərimiz!