"Narkomaniyaya yox deyək" adlı tədbir keçirilmişdir.
Narkomaniya ilə mübarizə sağlam cəmiyyətin formalaşması baxımından əsas məqsəd və vəzifələrdəndir. Azərbaycanın dövlət siyasətində başlıca vəzifə olan, sağlam nəslin formalaşması istiqamətində həyata keçirilən tədbirlər sırasında mühüm istiqamət kimi diqqət yetirilən narkomaniya ilə mübarizə kampaniya xarakterli deyil, davamlı siyasətdir.
Bu siyasət davamlı olaraq məktəblərdə həyata keçirilir.
Bu gün bu tədbirlərin davamı olaraq Şüvəlan Mədəniyyət Evində "Narkomaniyaya yox deyək" adlı tədbir keçirilmişdir. Tədbirdə məktəb rəhbərliyi, yuxarı sinif şagirdləri və rayon polis idarəsinin nümayəndələri iştirak edirdilər. Tədbirdə çıxış edənlər bildirdilər ki, narkomaniyaya qarşı mübarizəni gücləndirməklə gələcəyimizi, sağlamlığımızı qoruyur, dövlətçiliyimizi daha da möhkəmləndirmiş oluruq. Azərbaycanın gələcəyi kimi dəyərləndirilən gənclərin sağlamlığının təminatı daim diqqətdə saxlanılan məsələdir. Ölkəmizin davamlı inkişafı hər bir problemin uğurlu həllinə, qarşıya qoyulan məqsədə yüksək səviyyədə nail olmağa stimul verir.
