"OXU GÜNÜ" TƏNTƏNƏLİ ŞƏKİLDƏ QEYD OLUNDU
Aprelin 26-da Heydər Əliyev Mərkəzinin parkında “Oxu günü” təşkil olunub. Mütaliəyə diqqətin artırılmasını məqsədi daşıyan “Oxu Günü” ədəbiyyata marağı olan hər kəs üçün nəzərdə tutulub. Layihənin hədəfi yeniyetmə və gənclərin oxu vərdişlərinin inkişaf etdirilməsi, mütaliəyə marağının artırılması, kitabın gündəlik həyatımızın bütün sahələrinə daxil edilməsinə nail olmaqdır.
Heydər Əliyev Mərkəzi, Təhsil Nazirliyi, Mədəniyyət Nazirliyi və Azərbaycan Milli Elmlər Akademiyasının (AMEA) birgə təşkilatçılığı, “Hədəf Nəşrləri”nin tərəfdaşlığı ilə reallaşdırılan tədbirin məqsədi yeniyetmə və gənclər arasında mütaliəyə marağı artırmaq, oxu vərdişlərinin inkişafına nail olmaqdır.
Tədbirdə Heydər Əliyev Mərkəzinin direktoru Anar Ələkbərov, təhsil nazirinin müavini Firudin Qurbanov, Bakı Şəhəri üzrə Təhsil İdarəsinin müdiri Məhəbbət Vəliyeva, AMEA-nın, Mədəniyyət Nazirliyinin nümayəndələri iştirak ediblər.
“Gəlin birgə oxuyaq!” şüarı altında keçirilən tədbirdə paytaxtın 40-dan artıq ümumtəhsil məktəb və liseyinin şagirdləri, məktəbdənkənar təhsil müəssisələrində məşğul olan uşaqlar müxtəlif təqdimatlarla çıxış ediblər. Məktəblilər bədii əsərlər əsasında hazırlanmış səhnəcik və tamaşalar, musiqili kompozisiyalar, rəsm əsərləri təqdim ediblər. Şagirdlər intellektual yarışlarda iştirak edib, fləşmob keçiriblər.
Oxu gününün məqsədi şagirdlərin mütaliəyəyə olan marağının artırılması olduğu üçün biz də fləşmobumuzu bu istiqamətdə təşkil etmişdik. Burada texnologiyanın inkişafının oxuya mənfi təsiri əks etdirilir. Şagirdlər müxtəlif vasitələrlə günümüzün əsas və onlara daha maraqlı gələn yeniliklərdən istifadə edirlər. Anidən yaranan səbəb əslində kitab oxumağın daha faydalı olduğunu dərk edirlər. Sonda isə müasir texnoloji vasitələrlə kitabları birləşdirib doğru istifadənin müsbət tərəflərini təbliğ etməyə çalışırlar.
