“Yaşıl dünya naminə həmrəylik ili” layihəsi çərçivəsində ağacəkmə aksiyası keçirilib
Azərbaycan Respublikasında 2024-cü ilin “Yaşıl dünya naminə həmrəylik ili” elan edilməsi ilə bağlı təsdiqlənmiş Tədbirlər Planına əsasən məktəbdə bir sıra tədbirlər həyata keçirilib. Layihə əsasında məktəbin müxtəlif sinif şagirdləri ağacəkmə aksiyası keçiriblər. Məktəbin həyətyanı sahəsində müxtəlif ağaclar əkiblər. Həmçinin digər ağacların, güllərin dibini yumşaldıb, abadlıq işləri görüblər.
Belə tədbirlərin keçirilməsində məqsəd şagirdlərin ekoloji dünyagörüşünün, təbiətə münasibətdə əxlaqi yanaşma mövqeyinin, təbii sərvətlərin öyrənilməsi vasitəsilə idraki səriştələrinin formalaşmasına, öyrənmə və tədqiqatçılıq bacarıqlarının yeni formalarının hazırlanmasına, məktəblilərin ekoloji hərəkata, ekoloji yönümlü fəaliyyətə cəlb edilməsinə, bilik axtarışının müxtəlif forma və metodlarını, praktiki bacarıqları, təşkilatçılıq qabiliyyətlərini mənimsəmələrini stimullaşdırmaqdan ibarətdir.
