Məktəbimizdə 5 yaşlıların ilk dərs günü
2019 – 2020 – ci tədris ili üzrə oktyabrın 1 – dən 5 yaşlı uşaqların məktəbəhazırlıq qruplarına hazırlıqlarına start verilib.
Cari tədris ilində məktəbimizdə Azərbaycan bölməsi üzrə 4 qrup, rus bölməsi üzrə 1 qrup fəaliyyətə başlayıb.
Məktəbəhazırlıq qruplarının yaradılmasında məqsəd 5 yaşlı uşaqların məktəb təliminə hazırlığı ilə əlaqədar psixoloji dayanıqlığını artırmaq, əhatə olunduqları aləmə və təhsil mühitinə uyğunlaşdırmaq, onların ünsiyyət və birgə fəaliyyət bacarıqlarına yiyələnməsini təmin etməkdən ibarətdir.
Məktəbəhazırlıq qruplarında dərs deyəcək ibtidai sinif müəllimləri üçün ixtisasartırma təlimlərində iştirak ediblər.
Qeyd edək ki, məktəbəhazırlıq qruplarında gün ərzində 3 məşğələ və həftədə 4 gün olmaqla, ümumilikdə 12 məşğələ keçirilir. Bir məşğələnin müddəti 30 dəqiqə, məşğələlərarası fasilə 10 dəqiqə müəyyənləşdirilib. Qruplarda “Ətraf aləmlə tanışlıq”, “Savad təliminə hazırlıq və nitq inkişafı”, “Bədii təfəkkürün inkişafı”, “Məntiqi və riyazi təfəkkürün inkişafı”, “Təsviri fəaliyyət”, “Musiqi”, “Fiziki mədəniyyət” məşğələləri keçiriləcək.
5 yaşlı şagirdlərimizi təbrik edir onlara gələcək təhsil həyatında uğurlar arzulayırıq!
