Kitabxanada
Aprelin 29-da məktəbin 2 "A" sinfi sinif rəhbəri Nazilə Zülfüqarovayla birgə məktəbin kitabxanası ilə tanış oldular. Şagirdləri kitabxana qaydaları ilə kitabxana müdiri Firəngül Əliyeva tanış etdi. Nazilə xanım və Firəngül xanım şagirdlərə kitabın insan həyatında böyük əhəmiyyət kəsb etdiyi məqamlar haqqında geniş məlumat verdilər. Uşaqlar kitabxana fondu ilə tanış oldular. Oxu zalında onları maraqlandıran Azərbaycan xalq nağılları seçib mütaliə etdilər və oxunulan nağıllar əsasında maraqlı müzakirələr aparıldı.
Məqsəd şagirdləri kitabxana qaydaları ilə tanış etmək, şagirdlərdə mütaliə vərdişlərinin təkmilləşdirilməsi və şagirdlərin oxu bacarıqları səviyyəsinin öyrənilməsidir.
