VII siniflərarası bilik yarışı keçirildi
Aprelin 24-də məktəbdə 7-ci sinif şagirdləri arasında “Gənc fiziklər” adlı bilik yarışı keçirilib. Azərbaycan Dövlət Himni səsləndirilməsi ilə başlayan yarışda 3 komanda – “Molekul”, "Atom" və “Nüvə” qalib adı uğrunda mübarizə aparıb. Hər komandada 7 iştirakçı olub. Şagirdlərə fizika fənni ilə əlaqədar suallar səsləndirilib. Sual-cavabda fəal iştirak edən şagirdlərə hədiyyələr təqdim olunub. Qalib komanda qazanılmış ümumi xallar əsasında müəyyən edilib.
I yeri ən yüksək xalla “Nüvə”(7 b) komandası, II yeri “Atom” (7a) komandası , III yeri “Molekul” (7c) komandası qazandı.
Məktəbin fizika müəllimi Məhəbbət Nəzərovanın təşkilatçılığı ilə həyata keçirilən bu yarış şagirdlərin fizika fənninə olan marağının daha da artırılması, istedadlı şagirdlərin aşkara çıxarılması məqsədi daşıyıb.
Münsiflər heyyəti kimi Həcər Bayramova, Gülxar Xəlilova, Cəmilə Nuqrəzadə iştirak ediblər. Sinif müəllimləri Nuridə Nəcəfova, Zenfira Həsənova və Gülarə Qəhrəmanova şagirdlərinə dəstək olublar.
