Rimma Hüseynovanın 60 illiyi münasibətilə tədbir keçirildi
Aprelin 11-də məktəbin AKT zalında məktəbimizin kimya-biologiya müəllimi Rimma Hüseynovanın 60 illiyi münasibətilə tədbir keçirildi. Tədbirdə məktəbin təlim-tərbiyə işləri üzrə direktor müavini Natəvan Əliyeva, Zeynəb Vəliyeva, təşkilatçısı Cəmilə Nuqrəzadə, İlk Həmkarlar İttifaqının sədri Şəfiqə Bağırova, məktəbimizin müəllimləri o cümlədən şagirdləri iştirak etdilər. Tədbiri Azərbaycan Respublikasının Dövlət Himninin səsləndirilməsi ilə açıq elan edən Cəmilə xanım Rimma müəlliməni 60 illik yubileyi münasibəti ilə təbrik etdi eləcə də digər müəllimlər.
İllər boyu üzərində əziyyət çəkdiyi şagirdləri ona gül dəstələri hədiyyə etdi. Məktəbin şagirdləri tərəfindən Rimma xanım üçün xüsusi hazırlanmış slayd-videonu hər kəs bəyəndi. Daha sonra məktəbin təlim-tərbiyə işləri üzrə direktor müavini Natəvan Əliyeva çıxışında Rimma müəlliməni təbrik etdikdən sonra məktəb rəhbərliyi tərəfindən hazırlanmış “Fəxri-fərman” təqdim etdi.
Sonda müəllimlər və şagirdlərlə xatirə şəkilləri çəkildi.
