228 №-li tam orta məktəb

Məktəbin illik fəaliyyət planına uyğun olaraq aprelin 6-da Əliheydər Kazımov adına 228 nömrəli tam orta məktəbdə valideyn-məktəb münasibətlərinin inkişaf etdirilməsi, şagird nailiyyəti və məktəbin nəticələrinin hesabatı məqsədilə “Açıq qapı” günü keçirilib.

Iclas ibtidai siniflərdə saat 10⁰⁰-dan 12⁰⁰ – dək , V-XI siniflərdə 11⁰⁰-dan 13⁰⁰-dək təşkil olunub. İki saat davam edən “Açıq qapı” günündə valideynlər müəllimlərlə görüşüb və onları narahat edən müxtəlif məsələlərlə əlaqədar söhbətlər aparılıb, keçirilən monitorinqlər və onların nəticələri müzakirə olunub. Məktəb rəhbərliyi siniflərə daxil olaraq valideynləri narahat edən sualları cavablandırıb. Təlim-tərbiyə işləri üzrə direktor müavini Natəvan Əliyeva şagirdlərin dərsə məktəbli formalarında gəlmələri haqqında valideynlərə məlumat verib.

"Açıq qapı" günün keçirilməsində əsas məqsəd təhsil prosesinə valideynlərin cəlb edilməsi, valideyn məsuliyyətini artırmaq, valideynlərin məlumatlandırılması, məktəb-valideyn əməkdaşlığının gücləndirilməsidir.