"Aprel döyüşləri"
Məktəbin illik fəaliyyət planına uyğun olaraq aprelin 4-də Aprel döyüşlərində şəhid olan hərbçilərimizi anmaq, qüdrətli ordumuz haqqında məlumat vermək və şagirdlərə vətən sevgisini aşılamaq məqsədilə Azərbaycan dili müəllimi Ləman Mehdiyevanın təşkilatçılığı ilə "Aprel döyüşləri" mövzusunda sinif təşkilat saatı keçirilib.
Təşkilat saatı Azərbaycanın Dövlət Himninin səsləndirilməsi, ölkəmizin ərazi bütövlüyü və müstəqilliyi uğrunda şəhid olanların xatirəsinin bir dəqiqəlik sükutla yad edilməsi ilə başlayıb.
Ləman xanım çıxış edərək aprel döyüşlərində qəhrəmancasına vuruşan igid əsgərlərimizin qələbəsindən danışıb. Şagirdlər qəhrəmanlara həsr olunmuş şeirlər səsləndiriblər.
