Kimya- Biologiya- Həyat Bilgisi üzrə keçirlimiş müsabiqə
Şagirdlərin fənnlər üzrə bilik, bacarıq və vərdişlərə yiyələnmə səviyyəsini öyrənmək, onlarda məntiqi təfəkkürü inkişaf etdirmək məqsədilə "Kimya - Biologiya aylığı" çərçivəsində bilik yarışı keçirilib. Aprelin 3-də məktəbimizdə VII siniflərarası keçirilən yarışda "Bilik", "Zəka" və "Ziya" komandaları birinciliyi əldə etmək uğrunda mübarizə aparıblar.
Yarışda münsiflər heyəti kimi metodbirləşmə rəhbəri Rimma Hüseynova, kimya- biologiya müəllimi Solmaz Nəhmədova, Cəmilə Əliyeva, Təranə Qəhrəmanova, Şahidə Carçıyeva iştirak edib. Kimya müəllimi Sevda Qədirova və Elnarə Məhərrəmova sualları şagirdlərə təqdim edib.
Yarışda tərbiyə işləri üzrə direktor muavini Cəmilə Nuqrəzadə, Məhəbbət Nəzərova, Aytən Bilalova, Psixoloq Mehriban Quliyeva, UBTR Xalidə İbrahimova və sinif müəllimləri iştirak edərək şagirdlərə dəstək olublar.
Yarışın sonunda şagirdlər Kimya- Biologiya- Həyat Bilgisi üzrə keçirilmiş müsabiqədə fəal iştirakına görə rəhbərlik tərəfindən tərifnamə ilə təltif olunublar.
