" Elimizə yaz gəlir ” adlı tədbir keçirildi
Məktəbimizdə məktəbin illik fəaliyyət planına uyğun olaraq " Elimizə yaz gəlir ” adlı tədbir keçirildi. Xalqımızın qədim tarixini, milli adət və ənənələrini gənc nəslə daha yaxından tanıtmaq məqsədilə keçirilən tədbirdə məktəbin ibtidai sinif müəllimi Şükürova Aliyə və onun sinif şagirdləri fəal iştirak ediblər. Aliyə xanım Novruz bayramının tarixi əhəmiyyəti barədə danışıb, milli ruhumuzu və yaddaşımızı bütün zənginliyi ilə özündə əks etdirən Novruz bayramı münasibətilə iştirakçıları təbrik edib. Daha sonra şagirdlər baharın təravətli nəfəsini özü ilə gətirən Novruz bayramına aid mahnılar ifa edib, şeirlər səsləndirib, maraqlı səhnəciklər göstərib və bacarıqlarını nümayiş etdiriblər. Tədbirdə müəllimlər, şagirdlər və valideynlər iştirak ediblər.
