Yurdumuzun baharı
Bahar gəlir bizim azad ellərə,
Mahnı qonur dodaqlara, dillərə.
Parlaq günəş meydan açır güllərə,
Qaranquşun müjdəsidir Novruzum!
Martın 18-də məktəbdə 5 yaşlı şagirdlərimizin qrup rəhbəri Gülnarə Qurbanovanın təşkilatçılığı ilə xalqımızın sevimli bayramı olan Novruza həsr olunmuş "Yurdumuzun baharı" adlı tədbir keçirilib.
Tədbirdə milli paltar geyinmiş şagirdlər bahar fəslini tərənnüm edən şeirlər, haxışdalar səsləndiriblər və rəqslər nümayiş etdiriblər. 5 yaşlı şagirdlərimiz tədbirdə fəal iştirak edərək əyləniblər.
Uşaqların çıxışını təlim-tərbiyə işləri üzrə direktor müavini Cəmilə Nuqrəzadə, kitabxana müdiri Əliyeva Firəngül və valideynlər böyük həvəslə izləyiblər.
Tədbirin keçirilməsində məqsəd milliliyin, milli-mənəvi dəyərlərin təbliği, milli bayramlarımızın qeyd olunması ilə xalqımızın milli-mənəvi dəyərlərinin yaşadılması və şagirdlərə aşılanmasıdır.
