“Vətənin Müdafiəsinə Hazıram”
21 fevral tarixində saat 10:00-dan - 12: 00 – dək “Vətənin müdafiəsinə hazıram!” devizi adı altında məktəbin çağırışaqədərki hazırlıq fənni üzrə nümunəvi dərslərin keçirilməsi, Ümummilli Liderimiz Heydər Əliyevin keçirdiyi şərəfli həyat yolundan, möhtərəm prezidentimiz Silahlı Qüvvələrin Ali Baş komandanı İlham Əliyevin gənclərin hərbi vətənpərvərlik ruhunda tərbiyə olunmaları istiqamətində, Səfərbərlik və Xidmətə Çağırış üzrə Dövlət Xidmətinin (SHXÇDX)rəisi general – leytenant Arzu Rəhimovun təşəbbüsü ilə məktəbimizdə “Vətənin Müdafiəsinə Hazıram” mövzusunda və 2016-cı ilin 4 günlük müharibənin döyüşlərinin nəticəsi haqqında tədbir keçirilib.
Tədbirdə Səfərbərlik və Hərbi Xidmətə Çağırış üzrə Dövlət Xidmətinin Qaradağ rayon idarəsinin Həqiqi Hərbi Xidmətə Çağırış şöbəsinin zabiti mayor Dəmirçiyev İlham Ənvər oğlu, ehtiyatda olan Qarabağ müharibəsi veteranı, Aprel qazisi baş leytenant Almazov Həsrət Hidayət oğlu, 294 nömrəli tam orta məktəbin ÇH fənni rəhbəri ehtiyatda olan baş leytenant Mehman Hüseynov, gənclərin çağırışaqədərki hazırlıq fənni üzrə ştatdankənar metodisti Hüseynov Sahib Hüseyn oğlu, Qaradağ rayon İcra Hakimiyyətinin nümayəndələri və məktəbin IX,X,XI sinif şagirdləri iştirak ediblər.
Tədbir Azərbaycan respublikasının Dövlət Himninin səsləndirilməsi ilə açıq elan olunub və Azərbaycanın ərazi bütövlüyü, suverenliyi uğrunda şəhid olanların xatirəsi bir dəqiqəlik sükutla yad edilib.
Qonaqların çıxışları dinlədinildikdən sonra gənclər arasında sağlam həyat tərzinin (narkomaniya, alkoqol və digər maddələrin mənfi və radikal dini qruplarda iştirak edilməməsi ilə bağlı) təbliğ edilməsi barədə gənclərə tövsiyələr verildi.
