“Riyaziyyat Gecəsi” tədbiri
“Riyaziyyat aylığı” çərçivəsində məktəbimizin riyaziyyat və informatika müəllimləri Minarə Məhərrəmova və Gülər Əliyevanın təşkilatçılığı və eyni zamanda 6a və 6c siniflərinin fəal iştirakı ilə 14.02.2019-cu il tarixində “Riyaziyyat Gecəsi” adlı tədbir keçirildi. Tədbirin açılışı Azərbaycan Respublikasının Dövlət Himninin səsləndirilməsi ilə elan edildi.
Tədbirdə şagirdlər riyaziyyata dair şeirlər, aforizmlər söylədilər və bir-birindən maraqlı səhnəciklər nümayiş etdirdilər. Tədbir onu izləyən valideynlər, şagirdlər və müəllimlər tərəfindən maraqla izlənildi.
Tədbirin sonunda təlim-tərbiyə işləri üzrə direktor müavini Zeynəb Vəliyeva və məktəbin təşkilatçısı Cəmilə Nuqrəzadə çıxış edərək şagirdlərə öz təşəkkürlərini bildirdilər. Və sonda müəllimlər və şagirdlər xatirə şəkli çəkdirdilər.
Maraqlı tədbirə görə əməyi keçən hər kəsə təşəkkür edirik!
