Dərsdinləmələr davam edir
Riyaziyyat aylığı çərçivəsində 11 fevral tarixində məktəbin riyaziyyat müəllimi Ziyafət Zülfüqarova 9 "b" sinfində dərsi dinlənilib. Dərsdinləmədə məktəbin direktoru Rəşad Alcanov, təlim-tərbiyə işləri üzrə direktor müavini Natəvan Əliyeva iştirak edib. “Çevrənin daxilinə və xaricinə çəkilmiş çoxbucaqlılar” mövzusunda olan dərsdinləmə çox maraqlı keçdi.
Şagirdlər çevrə daxilinə və xaricinə çəkilmiş çoxbucaqlının tərifini izah etdilər. Dərs zamanı üçbucağın daxilinə və xaricinə çəkilmiş çevrələrin mərkəzi bucağı haqqında teoremlər araşdırılmaqla istənilən üçbucağın daxilinə və xaricinə çevrə çəkməyin mümkün olduğunu isbat etdilər. Yeni dərsin izahından sonra çalışmalar həll etdilər. Şagirdlər dərsin sonunda meyarları üzrə qiymətləndirildilər.
