Məmməd Arazın 85 illiyi
18 dekabr tarixində məktəbin Azərbaycan dili və ədəbiyyat müəllimi Zuhurə Məlikova Azərbaycanın Xalq şairi Məmməd Arazın anadan olmasının 85 illiyinə həsr olunmuş “ Məmməd Arazın söz dünyası” adlı ədəbi-bədii gecə keçirib.
Tədbiri giriş sözü ilə açan məktəbin direktoru Rəşad Alcanov görkəmli şair Məmməd Arazın şərəfli ömür yolundan qısa məlumat verib. Tədbirin qonağı olan məktəbin keçmiş direktoru Haşım Qafarov Məmməd Arazın Azərbaycan milli ədəbiyyatının inkişafında böyük xidmətlərindən danışdı. Görkəmli şairin zəngin yaradıcılığından şeirlər söylədi. Daha sonra şagirdlər şairin həyat və yaradıcılığı, onun şeirlərində Azərbaycan təbiətinin gözəlliklərinin canlandırılmasından bəhs etdilər və şeirlər səsləndirdilər. Tədbir ərzində həmçinin şagirdlər Azərbaycan xalq mahnısı “Sarı gəlin” və “Qarabağ şikəstəsi”-ni ifa etdilər. Məktəbin Azərbaycan dili və ədəbiyyat müəllimi Nəzakət Ağayeva, Səadət Cavadova , Zenfira Həsənova , Qızxanım Qəhrəmanova, Qızqayıt Seyidova, məktəbin psixoloqu Mehriban Quliyeva , UBTR Xalidə İbrahimova tədbirdə iştirak edib.
